နိုင်ငံတော်သမ္မတဦးသိန်းစိန် (၉) ကြိမ်မြောက် တရုတ် - အာဆီယံ ကုန်စည်ပြပွဲ ဖွင့်ပွဲ အခမ်းအနား၌ ပြောကြားခဲ့သည့် မိန့်ခွန်း

Friday, September 21, 2012

 နိုင်ငံတော်သမ္မတ ဦးသိန်းစိန်က မိန့်ခွန်းပြောကြားရာတွင် မြန်မာနိုင်ငံသည် ဂုဏ်ထူးဆောင်နိုင်ငံဖြစ်သည့် အားလျော်စွာ ယခုကုန်စည်ပြပွဲတွင် မြန်မာနိုင်ငံ အမျိုးသား ပြခန်းကို ယခင်နှစ်များထက် သုံးဆပိုမို ကျယ်ဝန်းသည့်နေရာတွင် အပိုင်းသုံးပိုင်း ခွဲ၍ ပြသထားပါကြောင်း၊ မြန်မာနိုင်ငံ၏ စီးပွားရေး ဖွံ့ဖြိုးတိုးတက်မှုများကို ကဏ္ဍအလိုက် ယခင်နှစ်ကထက် ပိုမိုပြီး စုံစုံလင်လင် ခင်းကျင်းပြသထားပါကြောင်း၊ ၁၉၉၁ ခုနှစ် အာဆီယံ နှင့် တရုတ်ပြည်သူ့သမ္မတနိုင်ငံတို့ ဆက်ဆံရေးစတင်ထူထောင်ခဲ့စဉ်က စီးပွားရေးပူးပေါင်း ဆောင်ရွက်မှုနှင့်ကုန်သွယ်ရေးကို ဗဟိုပြုခဲ့ပြီး ဆက်လက်ခိုင်မာလာသည့် ဆက်ဆံမှုသည် နှစ်ဖက်အကျိုးဖြစ်ထွန်းစေခဲ့ပါကြောင်း။

တရုတ်နှင့်အာဆီယံတို့အကြား ခင်မင်ရင်းနှီးသော အပြန်အလှန် ဆက်ဆံရေးများ၊ ကုန်သွယ်ရေး၊ စီးပွားရေးမြှင့်တင်ရေးနှင့် ကဏ္ဍစုံပူးပေါင်းဆောင်ရွက်မှုများ ပါဝင်သည့် တရုတ်-အာဆီယံ ကုန်စည်ပြပွဲကို အာဆီယံအဖွဲ့ဝင်နိုင်ငံများက အထူးအလေးထားပါ ကြောင်း၊ ဤကုန်စည်ပြပွဲသည် တရုတ်-အာဆီယံ လွတ်လပ်သော ကုန်သွယ်မှုဒေသ အောင်မြင်စွာ အကောင်အထည်ဖော်နိုင်ရန် အဓိကအခန်းကဏ္ဍမှပါဝင်လျက်ရှိပါကြောင်း။

ယခုနှစ် တရုတ်-အာဆီယံကုန်စည်ပြပွဲ၏ အဓိကခေါင်းစဉ်ဖြစ်သော သိပ္ပံနှင့်နည်းပညာ ပူးပေါင်းဆောင်ရွက်မှုသည် အချိန်အခါနှင့် လိုအပ်ချက်များအရ အလွန်သင့်လျော် သည့် ခေါင်းစဉ်ဖြစ်ပါကြောင်း၊ ယခုနှစ်တွင် မြန်မာနိုင်ငံက နှစ်လိုဖွယ်မြို့တော်အဖြစ် သတ်မှတ် ထားသည့် ရတနာပုံ ဆက်သွယ်ရေးမြို့တော်သို့ တရုတ်နှင့်အာဆီယံနိုင်ငံများမှ သိပ္ပံနှင့် နည်းပညာကုမ္ပဏီများ လာရောက်ရင်းနှီးမြှုပ်နှံကြရန် ဖိတ်ခေါ်ပါကြောင်း။

ပြပွဲတွင် ပြသမည့် နည်းပညာ အဆင့်အတန်းမြင့်မားသော လယ်ယာစိုက်ပျိုးရေး ထွက်ကုန် များနှင့် နည်းပညာများသည် စိုက်ပျိုးရေးကို အခြေခံသည့် နိုင်ငံအားလုံးအတွက် အကျိုး ရှိစေမည် ဖြစ်ပါကြောင်း၊ တရုတ်နိုင်ငံသည် ၂၀၀၉ ခုနှစ်တွင် အာဆီယံ၏ အကြီးဆုံး ကုန်သွယ်ဖက်နိုင်ငံ ဖြစ်လာပါကြောင်း၊ နှစ်ဖက်အကြား ကုန်သွယ်မှု ပမာဏသည် ၂၀၁၀ ပြည့် နှစ်ကထက် ၂၀၁၁ ခုနှစ်တွင် ၂၀ ဒသမ ၉ ရာခိုင်နှုန်း တိုးတက်လာခဲ့ပါကြောင်း။

အာဆီယံသည် တရုတ်နိုင်ငံ၏ တတိယအကြီးဆုံးကုန်သွယ်ဖက်ဖြစ်ပြီး ၂၀၁၁ ခုနှစ် က အာဆီယံနိုင်ငံများအနေဖြင့် ပထမဦးဆုံးအကြိမ် ကုန်သွယ်ရေးပမာဏ အမေရိကန် ဒေါ်လာ (၁၁) ဘီလီယံ အသာရခဲ့ပါကြောင်း။ တရုတ်နိုင်ငံမှ အာဆီယံနိုင်ငံများသို့ နိုင်ငံခြား တိုက်ရိုက်ရင်းနှီးမြှုပ်နှံမှုသည် ၂၀၁၁ ခုနှစ်တွင် ၂၀၁၀ ပြည့်နှစ်ကထက် ရာခိုင်နှုန်း အားဖြင့် (၁၀၀) ရာခိုင်နှုန်းကျော် သိသိသာသာ တိုးတက်လာပါကြောင်း၊ ယခုကဲ့သို့ ကောင်းမွန်သည့် အစဉ်အလာနှင့် အရှိန်အဟုန်ကို ဆက်လက်ထိန်းသိမ်းသင့်ပါကြောင်း။

တရုတ်နိုင်ငံက ၂၀၁၅ ခုနှစ် အာဆီယံ အသိုက်အဝန်း ထူထောင်ရေးလုပ်ငန်းစဉ်နှင့် အာဆီယံ ဗဟိုအချက်အခြာကျမှုကို ထောက်ခံအားပေးမှုအတွက် အထူးကျေနပ် ကျေးဇူး တင်ရှိပါကြောင်း၊ အမှန်စင်စစ် အာဆီယံနှင့် တရုတ်နိုင်ငံတို့၏ ဈေးကွက်သည့် ကြီးမားပါကြောင်း၊ မိမိတို့ နှစ်ဖက်စလုံးတွင် ထူးခြားသော ကိုယ်ပိုင်ဝိသေသ လက္ခဏာများ ရှိကြသည့်အပြင် သဘာဝ အရင်းအမြစ်နှင့် လူသားအရင်းအမြစ် စသည်တို့လည်း အသီးသီးရှိကြပါကြောင်း၊ ထို့ပြင် မိမိတို့သည် နိုင်ငံတကာ ဆက်ဆံရေးနှင့် ကုန်သွယ်ရေး ဗဟိုအချက်အခြာဒေသဖြစ် လာပြီး လျင်မြန်စွာ တိုးတက်နေသော အာရှ-ပစိဖိတ်ဒေသတွင် တည်ရှိနေပါကြောင်း၊ ထို့ကြောင့် မိမိတို့ဒေသ ငြိမ်းချမ်းရေးနှင့် ဖွံ့ဖြိုးတိုးတက်ရေးကို တိုးမြှင့်ရန် အတူတကွ ဆောင်ရွက်ရန် အရေးကြီးပါကြောင်းဖြင့် ပြောကြားသည်။

နိုင်ငံတော်သမ္မတ ဦးသိန်းစိန်က မိန့်ခွန်းပြောကြားရာတွင် ၂၀၀၂ ခုနှစ် နိုဝင်ဘာလအတွင်း ကမ္ဘောဒီးယားနိုင်ငံ၌ အာဆီယံနှင့် တရုတ်နိုင်ငံတို့အကြား အလုံးစုံ စီးပွားရေး ပူးပေါင်းဆောင်ရွက်မှု သဘောတူညီချက်ကို လက်မှတ်ရေးထိုးခဲ့ကြပြီးချိန်မှစ၍ နှစ်ဖက် ကုန်သွယ်ရေးသည် လျင်မြန်စွာ ဖွံ့ဖြိုးလာခဲ့ပါကြောင်း၊ သဘောတူညီချက် မူဘောင်သည် တရုတ်-အာဆီယံ ကုန်စည်ပြပွဲ၊ တရုတ်-အာဆီယံ စီးပွားရေးနှင့် ရင်းနှီး မြှုပ်နှံမှု ထိပ်သီးအစည်းအဝေးနှင့် တရုတ်-အာဆီယံ လွတ်လပ်သော ကုန်သွယ်မှုဒေသ အတွက် အခြေခံ အုတ်မြစ်ပင် ဖြစ်ပါကြောင်း။

တရုတ်- အာဆီယံ ကုန်စည်ပြပွဲနှင့်အတူ ပေါ်ပေါက်လာခဲ့သော တရုတ်-အာဆီယံ စီးပွားရေးနှင့် ရင်းနှီးမြှုပ်နှံမှု ထိပ်သီးအစည်းအဝေး၏ တိုးတက်မှုအပေါ် အားရ ကျေနပ်မိ ပါကြောင်း၊ နှစ်စဉ်ပြုလုပ်သည့် ဤအခမ်းအနားသည် အာဆီယံနှင့်တရုတ်နိုင်ငံတို့၏ စီးပွားရေးနှင့် စပ်လျဉ်းသော ကိစ္စရပ်များအပေါ် အစိုးရနှင့် ပုဂ္ဂလ်ိကကဏ္ဍတို့ အမြင်ချင်း ဖလှယ်ရန် အခွင့်အလမ်းများ ရရှိစေပါကြောင်း၊ မိမိတို့သည် နှစ်ဦးနှစ်ဖက် အကျိုးရှိမည့် ပူးပေါင်းဆောင်ရွက်ရေးအတွက် ပေါင်းစပ်ဆက်သွယ်မှု မြှင့်တင်ရေးဆိုသည့် ခေါင်းစဉ်ဖြင့် အမြင်ချင်းဖလှယ်ကြမည် ဖြစ်ပါကြောင်း။

ပေါင်းစပ်ဆက်သွယ်မှုသည် အာဆီယံအနေဖြင့် အလေးထားသည့် ကိစ္စရပ်တစ်ခု ဖြစ်ပါကြောင်း၊ ကုန်သွယ်မှု၊ ရင်းနှီးမြှုပ်နှံမှု၊ ခရီးသွားလာရေး၊ ပြည်သူမှ ပြည်သူများ အကြား ဖလှယ်မှုများနှင့် ဖွံ့ဖြိုးတိုးတက်မှုများ မြှင့်တင်ခြင်းမှ တစ်ဆင့် အာဆီယံဒေသတွင်း ပေါင်းစပ်ဆက်သွယ်မှု တိုးတက်စေခြင်းသည် အဖွဲ့ဝင်နိုင်ငံများ အားလုံးအတွက် အကျိုးဖြစ် ထွန်းစေမည်ဟု ယုံကြည်ပါကြောင်း၊ ဤခံယူချက်အပေါ် အခြေခံပြီး အာဆီယံခေါင်းဆောင် များသည် အာဆီယံ ပေါင်းစပ်ဆက်သွယ်မှုဆိုင်ရာ မဟာစီမံကိန်းကို ၂၀၁၀ ခုနှစ် အောက်တိုဘာလအတွင်းက ဗီယက်နမ်နိုင်ငံ ဟနွိုင်းမြို့၌ ချမှတ်ခဲ့ကြပါကြောင်း။

မဟာစီမံကိန်း၏ အခြေခံအချက်မှာ ရုပ်ပိုင်းဆိုင်ရာ ပေါင်းစပ်ဆက်သွယ်မှုဖြစ်သော အားဖြည့်ထားသည့် အခြေခံအဆောက်အုံဖွံ့ဖြိ်ုးမှု၊ အဖွဲ့အစည်းဆိုင်ရာ ပေါင်းစပ် ဆက်သွယ် မှု ဖြစ်သော ထိရောက်သည့် အဖွဲ့အစည်းဆိုင်ရာ စီမံဆောင်ရွက်မှုများနှင့် ပြည်သူမှ ပြည်သူအကြား ပေါင်းစပ်ဆက်သွယ်မှုဖြစ်သော စွမ်းအားပြည့်ဝသည့် ပြည်သူများ စသည်တို့မှ တစ်ဆင့် အာဆီယံကို ဆက်စပ်ပေးရေးပင်ဖြစ်ပါကြောင်း။

အာဆီယံ ပေါင်းစပ်ဆက်သွယ်မှု မဟာစီမံကိန်းကို ထိရောက်စွာ အကောင်အထည်ဖော်ရန် အာဆီယံအခြေခံ အဆောက်အအုံဆိုင်ရာ ရန်ပုံငွေကို ထူထောင်ထားခဲ့ပြီးဖြစ်ပါကြောင်း။ မလေးရှားနိုင်ငံ လာဘူဝမ်မြို့တွင် အခြေစိုက်မည့် အာဆီယံအခြေခံ အဆောက်အအုံဆိုင်ရာ ရန်ပုံငွေသည် အရင်းအမြစ်များကို ဖော်ထုတ်အသုံးချရေး အခန်းကဏ္ဍမှ ဆောင်ရွက်သွား မည်ဖြစ်ပါကြောင်း။

မဟာစီမံကိန်းတွင် ပါဝင်နိုင်ရန်အတွက် ပြည်ပမှ မိတ်ဖက်များနှင့် ပုဂ္ဂလိကကဏ္ဍ တို့ကိုလည်း ဖိတ်ခေါ်ထားပြီး ဖြစ်ပါကြောင်း၊ မိမိတို့၏ ကြိုးပမ်းအားထုတ်မှုများကြောင့် အာဆီယံ ပေါင်းစပ်ဆက်သွယ်ရေးဆိုင်ရာ မဟာစီမံကိန်း အကောင်အထည်ဖော်ရေးကို  ပံ့ပိုးပေးရန် ဆွေးနွေးဖက်နိုင်ငံများ၏ စိတ်ပါဝင်စားမှုကို ဆွဲဆာင်နိုင်ခဲ့ပြီး ကတိကဝတ် များလည်း ရရှိခဲ့ပြီး ဖြစ်ပါကြောင်း၊ အာဆီယံပေါင်းစပ်ဆက်သွယ်မှု မဟာစီမံကိန်းကို အရှိန်မြှင့်တင်ရန် မဟာစီမံကိန်း အကောင်အထည်ဖော်ရေးဆိုင်ရာ တန်ဖိုးရှိသော အကြံပြုချက် အချက်အလက်များ ရရှိရေးအတွက် အလုပ်ရုံဆွေးနွေးပွဲနှင့် စာတမ်းဖတ်ပွဲ များကို ကျင်းပခဲ့ပါကြောင်း။

အာဆီယံနှင့် တရုတ်နိုင်ငံတို့သည် ပေါင်းစပ်ဆက်သွယ်မှု မဟာစီမံကိန်း အောင်မြင်ရေး အတွက် ပူးပေါင်းဆောင်ရွက်လျက် ရှိကြပါကြောင်း၊ ယခင်နှစ် နိုဝင်ဘာလက အင်ဒိုနီးရှား နိုင်ငံ ဘာလီမြို့၌ ကျင်းပခဲ့သည့် အာဆီယံ-တရုတ် ဆွေးနွေးဖက် ဆက်ဆံရေး နှစ် (၂၀) မြောက် အထိမ်းအမှတ် အဖြစ် ကျင်းပခဲ့သည့် (၁၄) ကြိမ်မြောက် အာဆီယံ-တရုတ် ထိပ်သီးအစည်းအဝေးတွင် အာဆီယံပေါင်းစပ်ဆက်သွယ်မှု မဟာစီမံကိန်းကို ထောက်ခံ ပံ့ပိုးပေးမည့် တရုတ်နိုင်ငံ၏ ကတိကဝတ်ပြုမှုကို အာဆီယံနိုင်ငံများက ကြိုဆိုခဲ့ ကြပါကြောင်း၊ ယခုအခါ ပေါင်းစပ်ဆက်သွယ်မှု ညှိနှိုင်းရေးအဖွဲ့တို့သည်(၁၄) ကြိမ်မြောက် အာဆီယံ-တရုတ် ထိပ်သီး အစည်းအဝေးဆုံးဖြတ်ချက်များကို အကောင်အထည်ဖော်ရန် စတင်တွေ့ဆုံဆွေးနွေးနေကြပြီ ဖြစ်ပါကြောင်း။

အာဆီယံပေါင်းစပ်ဆက်သွယ်မှု မဟာစီမံကိန်းကို အကောင်အထည်ဖော်လျက်ရှိရာတွင် အာဆီယံနှင့်တရုတ်နိုင်ငံတို့အကြား ရုပ်ပိုင်းဆိုင်ရာ၊ အဖွဲ့အစည်းဆိုင်ရာနှင့် ပြည်သူ မှ ပြည်သူ ပေါင်းစပ် ဆက်သွယ်မှုများ တိုးတက်စေရေးအတွက် ကောင်းမွန်သော အခြေအနေ များ ဖန်တီးပေးခဲ့ပါကြောင်း။

အာဆီယံနိုင်ငံများနှင့် တရုတ်နိုင်ငံတို့သည် သာယာမှုရှိသည့်အတွက် နှစ်ဖက်စလုံးမှ ပြည်သူများသည် အပြန်အလှန် ကူးလူးသွားလာနေကြခြင်း ဖြစ်ပါကြောင်း၊ ၂၀၁၅ ခုနှစ်တွင် နှစ်ဖက် အပြန်အလှန် သွားရောက်ကြသည့် ခရီးသည် အရေအတွက်သည် ၁၅ သန်းသို့ ရောက်ရှိမည်ဟု မျှော်လင့်ပါကြောင်း၊ ၂၀၁၂ ခုနှစ်ကို အာဆီယံ+ ၃ နိုင်ငံ ခရီးသွားနှစ်အဖြစ် လည်းကောင်း၊ ဆီရမ်ရိမြို့ကို ၂၀၁၂ ခုနှစ်အတွက် ယဉ်ကျေးမှုမြို့တော် အဖြစ်လည်းကောင်း လျာထားခြင်းတို့အတွက် ဝမ်းမြောက်မိပါကြောင်း၊ ခရီးသွားရေးကဏ္ဍ တိုးတက်လာခြင်းသည် အာဆီယံနှင့် တရုတ်နိုင်ငံရှိ ပြည်သူများအတွက် ဝင်ငွေများ ဖန်တီးပေးခြင်းအပြင် ကုန်သွယ်ရေးနှင့် ရင်းနှီးမြှုပ်နှံမှု ကဲ့သို့သော အခြား ကဏ္ဍများ၌ ဖွံ့ဖြိုးလာမည်ဟု ယုံကြည် ပါကြောင်း။

အာဆီယံပေါင်းစပ်ဆက်သွယ်မှု မဟာစီမံကိန်း အကောင်အထည် ဖော်ရေးအတွက် အာဆီယံနှင့် တရုတ်နိုင်ငံတို့အကြား ပူးပေါင်းဆောင်ရွက်ရေး တိုးတက်လျက်ရှိရာတွင် ယခုနှစ် ထိပ်သီးအစည်းအဝေး၏ ခေါင်းစဉ်ဖြစ်သည့် နှစ်ဦးနှစ်ဖက်အကျိုးရှိမည့် ပူးပေါင်း ဆောင်ရွက်မှုအတွက် ပေါင်းစပ်ဆက်သွယ်မှု မြှင့်တင်ရေးကို အပြည့်အဝ ထောက်ခံ သွားမည် ဖြစ်ပါကြောင်း၊ မိမိတို့၏ ပူးပေါင်းအားထုတ်မှုများနှင့် နှစ်ဦးနှစ်ဖက် အကျိုးရှိမည့် ပူးပေါင်း ဆောင်ရွက်ရေးကို ရရှိနိုင်မည်ဖြစ်ပါကြောင်း။

မြန်မာနိုင်ငံနှင့် တရုတ်နိုင်ငံတို့၏ ကုန်သွယ်ရေး ဆက်ဆံမှုနှင့် မြန်မာနိုင်ငံ၏ ရင်းနှီးမြှုပ်နှံမှု အခွင့်အလမ်းများကို အသိပေးပြောကြားလိုပါကြောင်း၊ အာဆီယံနှင့် တရုတ်နိုင်ငံတို့ အကြား စုစုပေါင်းကုန်သွယ်မှုတန်ဖိုးသည် ၂၀၁၀ ခုနှစ်တွင် အမေရိကန်ဒေါ်လာ ၂၃၂ ဘီလီယံ ရှိခဲ့ပြီး မြန်မာနှင့်တရုတ် ကုန်သွယ်မှုတန်ဖိုးမှာ အမေရိကန်ဒေါ်လာ ၅ ဒသမ ၃ ဘီလီယံသာ ရှိခဲ့သည့်အတွက် အာဆီယံ - တရုတ် ကုန်သွယ်ရေးတွင် မြန်မာနိုင်ငံ၏ ပါဝင်မှု အချိုးအစားသည် ၂ ရာခိုင်နှုန်းကျော်သာ ရှိခဲ့ပါကြောင်း၊ မြန်မာနှင့် တရုတ်နိုင်ငံ တို့သည် အိမ်နီးချင်း နိုင်ငံများ ဖြစ်သည့်အားလျော်စွာ ကုန်သွယ်မှု တိုးမြှင့်ရန် ကောင်းမွန် သော အလားအလာများရှိမည်ဟု ယုံကြည်ပါကြောင်း၊ မြန်မာနှင့် တရုတ် နိုင်ငံတို့အကြား နယ်စပ် ကုန်သွယ်ရေးသည် တိုးတက်လျက်ရှိပြီး မြန်မာနိုင်ငံ မူဆယ်နှင့် တရုတ်နိုင်ငံ ရွှေလီတို့တွင် ၂၀၀၁ ခုနှစ်မှ စတင်၍ ကုန်စည်ပြပွဲကို တစ်လှည့်စီ နှစ်စဉ် ကျင်းပလျက် ရှိပါကြောင်း၊ ယခုနှစ် ကုန်စည်ပြပွဲကို မြန်မာနိုင်ငံ၌ ဒီဇင်ဘာလတွင် ကျင်းပမည်ဖြစ်ပြီး ပြပွဲတွင် ပါဝင်ပြသရန် တရုတ်နိုင်ငံမှ စီးပွားရေး လုပ်ငန်းရှင်များကို ဖိတ်ခေါ်ထားပါ ကြောင်း။

မြန်မာနိုင်ငံ၌ ရင်းနှီးမြှုပ်နှံမှု မြှင့်တင်ရန် ကြိုးပမ်းရာတွင် နိုင်ငံခြား ရင်းနှီးမြှုပ်နှံမှု အခွင့် အလမ်းများကိုလည်း ဖွင့်ပေးလျက်ရှိပြီး နိုင်ငံတကာကမှ နိုင်ငံခြားရင်းနှီးမြှုပ်နှံသူ များအား ဆွဲဆောင်လျက်ရှိပါကြောင်း၊ နိုင်ငံခြားရင်းနှီးမြှုပ်နှံမှုကို ဆွဲဆောင်ရန် သက်ဆိုင်ရာ ဥပဒေ များကို ပြင်ဆင်ခြင်း၊ လုပ်ထုံးလုပ်နည်းများကို လွယ်ကူစေခြင်း၊ ကုမ္ပဏီမှတ်ပုံတင် ခြင်း ကိစ္စရပ်များ ချောမွေ့စေရန် နေချင်းပြီး စနစ်ဖြင့် ကျင့်သုံးခြင်းတို့ကို ဆောင်ရွက်လျက်ရှိ ပါကြောင်း၊ နိုင်ငံခြားရင်းနှီးမြှုပ်နှံမှု ဥပဒေမူကြမ်း၊ အရေးကြီး ကုန်စည်နှင့် ဝန်ဆောင်မှု ဥပဒေ၊ နိုင်ငံခြားသုံးငွေ စီမံခန့်ခွဲမှု ဥပဒေများကို လွှတ်တော်များတွင် မကြာမီက အတည် ပြု ပြဌာန်းပေးခဲ့ပြီး ဖြစ်ပါကြောင်း။

စီးပွားရေးဖွံ့ဖြိုးတိုးတက်မှု မြှင့်တင်နိုင်ရေးအတွက် ထားဝယ်အထူးစီးပွားရေးဇုန်ကို နိုင်ငံ တောင်ပိုင်းတွင် အကောင်အထည်ဖော် ဆောင်ရွက်လျက်ရှိပါကြောင်း၊ ထို့ပြင်ရန်ကုန်တိုင်းဒေ သကြီးတွင် သီလဝါအထူးစီးပွားရေးဇုန် အကောင်အထည်ဖော်ရန် မဟာစီမံကိန်း တစ်ခုရှိပြီး မြန်မာနိုင်ငံအနောက်ပိုင်း ရခိုင်ပြည်နယ်တွင်လည်း ကျောက်ဖြူအထူးစီးပွားရေး ဇုန်ကို အကောင်အထည်ဖော်မည် ဖြစ်ပါကြောင်း။

နိဂုံးချုပ်အနေဖြင့် ဒေသတွင်းနှင့် ဒေသပြင်ပတွင် ငြိမ်းချမ်းရေး၊ တည်ငြိမ်ရေးနှင့် ဖွံ့ဖြိုးမှု ဖော်ဆောင်ရန်အတွက် အာဆီယံနှင့် တရုတ်တို့အကြား နီးကပ်စွာ ပူးပေါင်း ဆောင်ရွက် သွားမည့် မိမိတို့၏ ကတိကဝတ်များကို ထပ်လောင်းအတည်ပြု လိုပါကြောင်းဖြင့် ပြောကြားခဲ့သည်။